counter easy hit

گڑھی خدا بخش: بھٹو کی برسی، جلسے کے انتظامات مکمل، قافلوں کی آمد کا سلسلہ جاری

Garhi Khuda Bakhsh

Garhi Khuda Bakhsh

سابق وزیر اعظم اور پیپلز پارٹی کے بانی ذوالفقار علی بھٹو کی برسی آج منائی جائے گی، مرکزی تقریب میں شرکت کیلئے ملک بھر سے قافلوں کی گڑھی خدا بخش آمد کا سلسلہ جاری ہے۔ بلاول بھٹو بھی نوڈیرو پہنچ گئے ہیں۔ آصف زرداری کہتے ہیں موجودہ سیاسی حالات میں بھٹو کے فلسفے پر عمل کی اہمیت بڑھ گئی ہے۔
گڑھی خدا بخش: (یس اُردو) ذوالفقار علی بھٹو کی برسی کی مرکزی تقریب کیلئے گڑھی خدا بخش میں تیاریاں مکمل کر لی گئی ہیں۔ پیپلز پارٹی کے چیئرمین بلاول بھٹو زرداری بھی اجتماع سے خطاب کریں گے۔ ملک بھر سے قافلوں کی آمد کا سلسلہ جاری ہے اور جیالے بھٹو خاندان کی قبروں پر فاتحہ خوانی کر رہے ہیں۔گڑھی خدا بخش میں ہی ذوالفقار علی بھٹو اور بے نظیر کی یادگار تصاویر کی نمائش بھی جاری ہے۔ ان میں بینظیر کے بچپن اور ذوالفقار علی بھٹو کے ساتھ غیرملکی دوروں کی تصاویر بھی شامل ہیں۔ یہ نمائش دو روز جاری رہے گی۔سابق وزیر اعظم کی برسی پر اپنے پیغام میں سابق صدر آصف زرداری کا کہنا تھا کہ موجودہ حالات میں طاقت غیر منتخب قوتوں کی طرف منتقل ہو رہی ہے، یہ جاننا ضروری ہے کہ طاقت بیلٹ باکس کے ذریعہ ہی آتی ہے گولی سے نہیں۔دوسری جانب لاڑکانہ میں میڈیا سے گفتگو کرتے ہوئے وزیر اعلیٰ سندھ قائم علی شاہ کا کہنا تھا کہ پیپلز پارٹی جمہوریت پسند جماعت ہے، بھٹو کی برسی پر اڑھائی کروڑ روپے کے اجراء کو غلط انداز میں پیش کیا گیا۔