جب تک میئر کراچی اجازت نہیں دیں گے پارک کا انتظام نہیں سنبھالیں گے :چیئرمین بحریہ ٹائون کی دنیا نیوز سے گفتگو
کراچی: چیئرمین بحریہ ٹاؤن ملک ریاض کہتے ہیں باغ ابن قاسم کے اختیارات کاروباری سرگرمیوں کے لئے نہیں بلکہ عوام کی تفریح کے لئے لے رہے تھے ، سیاست دان خود کام کرتے ہیں نہ دوسروں کو کرنے دیتے ہیں ، جب تک وسیم اختر اجازت نہیں دیں گے پارک کا انتظام نہیں سنبھالیں گے ۔ ملک ریاض نے کہا باغ ابن قاسم کو عوام کیلئے بہترین پارک بنانا چاہتے ہیں ، وہ چاہتے ہیں یہاں بچوں کیلئے چڑیا گھر ہو ، انہیں ہر سہولت ملے ۔ انہوں نے سختی سے تردید کرتے ہوئے کہا پارک کاروباری سرگرمیوں کے لئے نہیں ہوگا ۔ ملک ریاض نے کہا جب تک وسیم اختر اجازت نہیں دیں گے پارک کا انتظام نہیں سنبھا لیں گے ۔ چیئرمین بحریہ ٹاؤن نے سیاست دانوں سے شکوہ کیا وہ خود کام کرتے ہیں نہ دوسروں کو کرنے دیتے ہیں ۔ ملک ریاض نے کہا ہم کسی حکومت کے ساتھ نہیں ہم عوام کے لئے کام کر رہے ہیں ۔ کراچی کا کچرا اٹھانے کی پیشکش بھی ہم نے خود کی اور 12 دن میں پورا کراچی صاف کر کے دکھا دیا ۔
