نامورٹیلیویژن سیریز’ گیم آف تھرون‘ ‘گزشتہ سات سیزنز کے ذریعے دنیا بھر میں دھوم مچا کر کئی ایوارڈز اپنے نام کر چکی ہے ۔
اب ایک بار پھر’ گیم آف تھرونز ‘کا سیزن8مداحوں کیلئے پیش کیا جا رہا ہے،اسی سلسلے میں جارج آر آر مارٹن کی کتاب’ اے سانگ آف آئس اینڈ فائر ‘سے ماخوذ اس سیریزکی عکسبندی کا آغاز ہو گیا ہے اور جنگ کے مناظر بھی ریکار ڈ کر لئے گئے ہیں۔
ان مناظر میں جنگ کا منظرلگاتار 55راتوں میں مکمل ہوا، جو اب تک ٹیلیویژن کی تاریخ کا سب سے بڑا بیٹل ایکشن سین بن گیا ہے ۔
ڈیوڈ بینیوف، ڈی بی ویس، ڈیوڈ نٹر اور میگوئل سپوچنک کی مشترکہ ڈائریکشن میں بننے والے اس نئے سیزن کی کہانی دو طاقتور خاندانوں کے گرد گھومتی ہے، جو سات سلطنتوں پر قبضے کیلئے خونی کھیل کھیلتے ہیں۔
چھ اقساط پر مبنی اس آٹھویں سیزن میں اداکارہ ایملا کلارک ، پیٹر ڈنکلیج، لینا ہیڈی، پیٹر ڈنکلیگ،نکولاج کوسٹر، اور کٹ ہیرنگٹن سمیت کئی اداکار اپنے گزشتہ کرداروں میں ایک بار پھر دکھائی دینگے ۔
ایڈوانچر، ڈرامہ اور فینٹسی سے بھرپور یہ سیزن HBOڈرامہ پر 2019میں آن ائیر جائیگا۔
