لاہور: سابق وزیر اعظم نواز شریف اہلیہ کی عیادت کے لیے لندن روانہ ہوگئے۔
مسلم لیگ (ن) کے صدر اور سابق وزیر اعظم نواز شریف اہلیہ کلثوم نواز کی عیادت کے لیے پی کے 757 سے ایک بار پھر لندن روانہ ہو گئے۔ سیکریٹری محمد حنیف خان بھی ان کے ہمراہ ہیں۔ سابق وزیر اعظم کے ٹکٹ پر وطن واپسی کی تاریخ 4 جنوری 2018 درج ہے۔ اس سے قبل بھی نواز شریف لندن میں اہلیہ کی عیادت کے لیے موجود تھے جو 25 ستمبر کو واپس وطن واپس پہنچے تھے۔ واضح رہے سابق وزیر اعظم نواز شریف کے خلاف سپریم کورٹ کے احکامات کی روشنی میں دائر کیے گئے 3 نیب ریفرنسزعدالت میں زیر سماعت ہیں۔
