گیمبیا کے سابق صدر یحییٰ جامع جلا وطنی اختیار کرتے ہوئے استوائی گنی پہنچ گئے ہیں۔

Former President of Gambia Yahya Jammeh has adopted exile

بائیس برس تک اقتدار میں رہنے والے جامع گزشتہ برس یکم دسمبر کے انتخابات میں اپوزیشن رہنما آدما بارو سے شکست کھا گئے تھے۔ وہ اقتدار چھوڑنے کو تیار نہیں تھے تاہم مغربی افریقی ممالک کی تنظیم ایکواس کے دباؤ کی باعث مشروط طور پر منصب صدارت چھوڑنے پر تیار ہوئے۔دوسری طرف توقع کی جا رہی ہے کہ ہمسایہ ملک سینیگال میں موجود نئے صدر بارو جلد ہی واپس وطن پہنچ جائیں گے جو سیکورٹی وجوہات کی بنا پر ڈکار میں واقع ملکی سفارتخانے میں پناہ لیے ہوئے ہیں۔