لندن: سابق وزیر اعلیٰ پنجاب شہباز شریف کی لندن کی ایک سڑک کو ’ پینڈو‘ سٹائل میں کراس کرنے کی ویڈیو سوشل میڈیا پر خوب وائرل ہورہی ہے اور لوگ اس پر طرح طرح کے تبصرے کر رہے ہیں ، انہی تبصروں کے بیچ ایک تبصرہ ریحام خان نے بھی کیا ہے جس نے سوشل میڈیا صارفین کو حیرت میں مبتلا کردیا ہے۔
شہباز شریف کی لندن میں دوڑ لگا کر سڑک کراس کرنے کی ویڈیو سوشل میڈیا پر وائرل ہوئی تو ریحام خان نے بھی اسے دیکھا اور اپنے ٹوئٹر اکاﺅنٹ پر شیئر کرتے ہوئے اس پر تبصرہ بھی کردیا۔ ریحام خان نے لکھا ”اگر یہ ویڈیو اصلی ہے اور اس میں نظر آنے والا شخص شہباز شریف کا ہم شکل نہیں ہے تو اس شخص کیلئے عزت کا نیا لیول پیدا ہوگیا ہے، انہوں نے عام آدمیوں والا کام کیا ہے اور کوئی بادشاہت نظر نہیں دکھائی“۔
If this is real & not a lookalike then there is a new level of respect for this man. What a normal thing to do! No badshahat clearly pic.twitter.com/WTfNmwgxvM
— Reham Khan (@RehamKhan1) June 19, 2018
شہباز شریف کی ایک ایسی ویڈیو جس پر بہت زیادہ تنقید کی جارہی ہے اس کو ریحام خان کی جانب سے سراہے جانے نے سوشل میڈیا صارفین کو چراغ پا کردیا اور انہوں نے عمران خان کی سابق اہلیہ کی طرف توپوں کا رخ کردیا۔سید فیاض علی نے ریحام خان کے ان تعریفی کلمات کو گوبر کو سوہن حلوہ ثابت کرنے کی کوشش قرار دے دیا جبکہ آئمہ خان نے فیاض علی کی مثال دینے کی صلاحیت کو سراہا۔
مہر سہیل نے ریحام خان کے ٹویٹ پر حیرت کا اظہار کیا اور سوال اٹھایا کہ کیا کبھی انہوں نے شہباز شریف کو پاکستان میں بھی دیکھا ہے۔
اس ٹویٹ پر ریحام خان کو تنقید کا نشانہ تو بنایا ہی گیا لیکن بہت سے لوگوں نے اس ٹویٹ سے شہباز شریف اور ریحام خان کی ممکنہ شادی کے قصے گھڑنے شروع کردیے جبکہ بعض لوگوں نے سابق وزیر اعلیٰ کی اہلیہ تہمینہ درانی کو ہوشیار رہنے کے مشورے دینا شروع کردیے۔
پی ٹی آئی کی سوشل میڈیا ٹیم کے اہم رکن فرحان ورک نے ریحام خان کی ٹویٹ پر فوری طور پر تہمینہ درانی کو سنبھل کر رہنے کا مشورہ دے دیا۔
اَرم سرور نے شہباز شریف کے سڑک کراس کرنے کے سٹائل کو بیویوں میں اضافے کا پلان قرار دیا اورکہا ’ ایک شاید قابو آہی گئی اتنی معصوم حرکت دیکھ کر‘۔
نعمان سرور نے ریحام خان کو مخاطب کرکے ٹویٹس کی پوری سیریز داغ دی ۔ انہوں نے کہا ’ ریحام صاحبہ آپ کی نظر اب ان پر ہے، پتے کیلئے عرض ہے ان کی آپ سے پہلے 8 بیویاں ہیں اور لندن میں جتنی آپ کی اوقات ہے اتنی ہی ان کی ہے‘۔
الفا وانی نے ریحام کو مشورہ دیا کہ انہیں شہباز شریف کے ساتھ شادی کرلینی چاہیے کیونکہ انہیں ایسی ہی بیوی درکار ہے، انہوں نے یہ پیشگوئی بھی کردی کہ اگر یہ شادی ہوجاتی ہے تو شریف خاندان تباہ و برباد ہوجائے گا۔
ٹاکنگ کروز نامی صارف نے ریحام خان سے کہا کہ تہمینہ درانی انہیں شہباز شریف کی چوتھی بیوی ہرگز نہیں بننے دے گی جس پر بلیک وڈو نے تصحیح کرتے ہوئے کہا کہ چوتھی نہیں چھٹی بیوی۔
انس کا کہنا تھا کہ شہباز شریف نے کئی ماہ سے شادی نہیں کی اس لیے ریحام خان کو ان سے شادی کرلینی چاہیے۔
