پنجاب اور سندھ کے کئی علاقوں میں شدید دھند کا راج،لاہور ایئرپورٹ پروازوں کی آمد و رفت کے لیے بندکردیا گیا۔ لاہورسے پنڈی بھٹیاں اور فیصل آباد سے گوجرہ تک موٹروے بھی بندکردی گئی۔شدیددھند کے باعث لاہور تا پنڈی بھٹیاں ،فیصل آباد تا گوجرہ موٹروے کو ٹریفک کیلئے بند کر دیا گیا۔ترجمان موٹروے پولیس کے مطابق موٹروے کو حد نگاہ صفر ہونے پر ایم 2 لاہور سے پنڈی بھٹیاں تک جبکہ ایم 3 پنڈی بھٹیاں سے فیصل آباد اور ایم 4 گوجرہ سے فیصل آباد تک ٹریفک کے لیے بند کر دیا گیا ہے۔
موٹروے پولیس نے شہریوںکو غیر ضروری سفر سے اجتناب کرنے فوگ لائٹس کااستعمال کرنے اور ڈرائیور حضرات کو گاڑیوں کی رفتار آہستہ رکھنے کی ہدایت کی ہے ۔
