ڈھائی سو کلو میٹر فی گھنٹہ رفتار سے چلنے والی ریل گاڑی سے خوبصورت پہاڑوں کے مناظر بھی دکھائی دیں گے۔
چین کے شمالی شہر ژیان سے جنوبی شہر چینگ ڈو تک پہلی بار بلٹ ٹرین چلے گی۔ ٹرین نے پہلا آزمائشی سفر کامیابی سے مکمل کیا۔ پہاڑی علاقہ ہونے کی وجہ سے چھ سو تینتالیس کلومیٹر فاصلہ سولہ گھنٹے میں طے ہوتا تھا لیکن دو سو پچاس کلومیٹر فی گھنٹہ کی رفتار سے چلنے والی ٹرین یہ فاصلہ صرف تین گھنٹے میں طے کرے گی۔ دشوار پہاڑی علاقوں میں بنے اس ٹریک پر ایک سو نواسی کلومیٹر طویل سرنگیں اور ایک سو اکتیس کلومیٹر طویل پل ہیں۔ سفر کے دوران مسافر دل موہ لینے والے قدرتی مناظر اور نایاب جانور بھی دیکھ سکیں گے۔
