فیشن کی دنیا میں مختلف شوز کا انعقاد کوئی نئی بات نہیں تاہم سعودی عرب میں ایسا پہلی بار ہونے جا رہا ہے کہ باقاعدہ فیشن ویک کا انعقاد کیا جا رہا ہے۔

سعودی عرب کے دارالحکومت ریاض میں تاریخ کا پہلا فیشن ویک آج سے دی رِٹز کارلٹن ہوٹل میں سجے گا جس کا اہتمام22 عرب ممالک کی نمائندگی کرتے عرب فیشن کونسل کی جانب سے کیا جا رہا ہے اس چھ روزہ فیشن ویک میں کل 16فیشن شوز منعقد کئے جائیں گے۔

آج 10 اپریل سے 14اپریل تک سجنے والے اس فیشن ویک میں جہاں دنیا بھر سے نامور فیشن ڈیزائنرز شرکت کریں گے وہیں دلکش پہناوے بھی فیشن کے دلدادہ افراد کی توجہ کا مرکز بنیں گے جو نہ صرف ثقافتی تقاضوں پر پورا اترتے دکھائی دینگے بلکہ اس میں سعودی عرب کی اقدارکا بھی خیال رکھا جائے گا۔