وفاقی وزیرداخلہ احسن اقبال نے کہا ہے کہ بلوچستان کو دوسرے صوبوں کے برابر لانے کے لئے وفاقی حکومت خطیر رقم خرچ کر رہی ہے، حکومت کی کوشش ہے کہ بلوچستان میں بھی اعلیٰ تعلیم کے حصول کے خواہش مند طلبا کو سہولتیں پہنچائی جائیں ۔وفاقی وزیر داخلہ خضدار کی تحصیل وڈھ میں لسبیلہ یونی ورسٹی آف میرین سائنسز وڈھ کیمپس کی افتتاحی تقریب سے خطاب کررہے تھے ۔احسن اقبال نے کہا کہ تعلیمی ادارے بناکر بلوچستان سے ہونے والی نا انصافیوں کا ازالہ کررہے ہیں ، جمہوری طاقت کے ساتھ ہم قدم ہو کر ملک کو مشکلات سے نکالا جا سکتا ہے۔اس سے پہلے وفاقی وزیر داخلہ نے سردار بہادر خان ویمن یونیورسٹی کیمپس کا افتتاح کیا، اس موقع پر انہوں نے کہا کہ وفاقی حکومت اعلیٰ تعلیم کے فروغ کے لیے ہر ممکن اقدامات کر رہی ہے ۔