وزیراعظم شاہد خاقان عباسی نے وفاقی کابینہ کا اجلاس کل طلب کرلیا۔

Federal cabinet meeting summoned tomorrow

وزیراعظم شاہد خاقان عباسی نے وزارت عظمیٰ کا حلف اٹھاتے ہی اپنی نو تشکیل کابینہ کا اجلاس طلب کیا تھا جس میں ہر ہفتے اجلاس بلانے کا فیصلہ کیا گیا تھا جب کہ وزیراعظم نے وزرا کو اپنی وزارتوں کی کارکردگی مزید بہتر بنانے کی ہدایت کی تھی۔ ذرائع کے مطابق وزیراعظم نے وفاقی کابینہ کا اجلاس کل رات 8 بجے طلب کیا ہے جس میں وزرا کی وزارتوں سے متعلق کارکردگی پر بات کی جائے گی جب کہ اس دوران سابق وزیراعظم نوازشریف کی لاہور روانگی سے متعلق بھی فیصلے کیے جائیں گے۔ واضح رہے کہ میاں نوازشریف 9 اگست کو اسلام آباد سے ریلی کی صورت میں براستہ جی ٹی روڈ لاہور روانہ ہوں گے جس کے لیے سیکیورٹی سمیت دیگر انتظامات کو حتمی شکل دی جارہی ہے۔