فیصل صالح حیات اورخالد احمد خان کھرل نے پاکستان پیپلزپارٹی میں شمو لیت کا اعلان کر دیا ہے۔
پیپلز پا ر ٹی کی جا نب سے جا ری ہو نے والے اعلا میہ میں کہا گیا ہے کہ آصف زرداری سے ملاقات میں دونوں رہنماؤں نےپی پی میں شمولیت کا اعلان کیا۔قبل ازیں پاکستان پیپلز پارٹی نے آفتاب احمد شیرپاؤ اور فیصل صالح حیات سمیت متعدد ناراض سیاستدانوں کو منا کر دوبارہ پارٹی میں شامل کرانے کا ہدف پارٹی کے جنرل سیکرٹری نیئر حسین بخاری، بیرسٹر اعتراز احسن اور قمر زمان کائرہ کو دیا تھا۔پارٹی ذرائع سے حاصل ہونے والی معلومات کے مطابق پی پی پی کے چیئرمین بلاول بھٹو زرداری نے پنجاب اور کے پی کے میں پیپلز پارٹی کو مضبوط بنانے اور فعال کرنے کیلئے کے پی کے سے آفتاب احمد خان شیرپاؤ اور پنجاب سے سیّد فیصل صالح حیات سمیت دیگر رہنماؤں کو پارٹی میں شامل کرنے کا فیصلہ کیا تھا۔اس مقصد کیلئے بلاول بھٹو نے ذمہ داری سیّد نیئر حسین بخاری، اعتزاز احسن اور قمر زمان کائرہ کو سونپی تھی، جنہوں نے ان رہنماؤں سے رابطہ کرکے انہیں پارٹی میں شمولیت کی دعوت دی، پارٹی سے متعدد دیگر ناراض رہنماؤں اور کارکنوں کو منانے کے بعد پارٹی میں شامل کرانے کیلئے بھی حکمت عملی وضع کرنے کی ہدایات جاری کی گئی تھیں۔
