پیرس (یس اردو نیوز) پاکستان پیپلز پارٹی کے سابق جنرل سیکرٹری اور مرد آہن جہانگیر بدر آج شب خالق حقیقی سے جاملے۔ مرحوم شید علالت کے باعث انتہائی نگہداشت کے وارڈ میں زیر علاج تھے۔
اس موقع پر پاکستان پیپلز پارٹی فرانس کے سابق چیف ایگزیکٹو قاری فاروق احمد فاروقی نے شاندار الفاظ میں مرحوم کو خراج عقیدت پیش کیا اور اپنے پیغام میں کہا کہ مرد آہن جہانگیر بدر نے انتہائی مشکل حالات میں پیپلز پارٹی کےقافلے کو جاری و ساری رکھنے میں کردار ادا کیا ان کی خدمات کو ہمیشہ یاد رکھا جائے گا۔
اس موقع پر پاکستان پیپلز پارٹی اوورسیز کے راہنمائوں چوہدری ساجد گوندل پی پی سپین، چوہدری محمد رزاق، پی پی فرانس، خان زاہد اقبال، پی پی فرانس، چوہدری قمر زمان، پی پی بیلجئم ، ملک مظہرپی پی ، فرانس، مرزا الیاس جرال، پی پی اٹلی، ناصر علی رانجھا،پی پی اٹلی، رانا شاہد ریاض،سابق صدر پی پی فرانس، رائو عارف ندیم، پی پی فرانس، ظہیر ستی پی پی فرانس اورسکندر گوندل پی پی سپین نے اپنے الگ الگ پیغامات میں مرحوم کو شاندار الفاظ میں خراج عقیدت پیش کیا۔
