Dubai: money exchange million dirhams

متحدہ عرب امارات میں منی ایکسچینج میں دن دیہاڑے پڑنے والے ڈاکے میں ڈاکو آنسو گیس پھینک کر دس لاکھ درہم لے اڑے۔
ابو ظہبی : (یس اُردو نیوز) کرامہ میں واقع منی ایکسچینج کی برانچ میں پانچ نقاب پوش مسلح افراد نے شام چار بجے کے قریب دھاوا بولا۔ ڈاکوؤں نے سٹاف پر آنسو گیس پھینکی اور دس لاکھ درہم لے کر فرار ہو گئے۔ پولیس نے سی سی ٹی وی کیمرہ کی مدد سے تحقیقات کا آغاز کر دیا ہے جبکہ اس شاخ کو سیکورٹی رسک کی وجہ سے عارضی طور پر بند کر دیا گیا ہے۔