عدالت کے منع کرنے کے باوجودملزموں کے خلاف کیوں مقدمہ درج کیا گیا،جج
گوجرانوالہ (یس اُردو)اینٹی کرپشن کے سپیشل جج نے ڈی پی او گجرات کو وارننگ دے دی ، گجرات میں نکاح خواں ،نکاح رجسٹرار اور دو گواہان کے خلاف اینٹی کرپشن کی دفعات کے تحت مقدمہ درج کیا گیا تھا جس کا نوٹس لیتے ہوئے فاضل جج نے ڈی پی او گجرات کو متعدد بار طلب کیا وضاحتی لیٹر بھی بھجوایا کہ عدالت کے منع کرنے کے باوجود اینٹی کرپشن دفعات کے تحت تھانہ میں ملزموں کے خلاف کیوں مقدمہ درج کیا گیا ڈی پی او گجرات کے پیش نہ ہونے پر فاضل جج نے ان کے خلاف کارروائی کا عندیہ دیا تو علم ہونے پر ڈی پی او گجرات فوری طور پر عدالت پہنچ گئے ڈی پی او گجرات کی یقین دہانی پر فاضل جج نے انہیں وارننگ دی کہ وہ مستقبل میں محتاط رہیں اور عدالت کے حکم کی تعمیل کریں
