Disqualification case, the Commission issued a formal notice to Imran Khan
عمران خان نے الیکشن کمیشن سے جھوٹ بولا، رکن پارلیمنٹ رہنے کے اہل نہیں، پی ٹی آئی نے غیرقانونی ذرائع سے بیرون ملک سے فنڈز لیے ، درخواست گزار کا موقف
اسلام آباد : الیکشن کمیشن نے نااہلی درخواست کی ابتدائی سماعت کے بعد تحریک انصاف کے سربراہ عمران خان کو نوٹس جاری کر دیا ۔ درخواست گزار کے وکیل کا کہنا ہے کہ اثاثے چھپانے کے بعد عمران خان رکن پارلیمنٹ کے اہل نہیں رہے ۔
درخواست گزار شہری کے وکیل نے موقف اختیار کیا کہ عمران خان کی سیاسی جماعت نے ممنوع ذرائع سے بیرون ملک سے فنڈز حاصل کیے ۔
چئیرمین تحریک انصاف نے فنڈنگ لینے سے متعلق غلط سرٹیفیکیٹ پیش کر کے الیکشن کمیشن کے سامنے جھوٹ بولا ۔ عمران خان آرٹیکل 62 اور 63 پر پورا نہیں اترتے اس لیے رکن پارلیمنٹ کے اہل نہیں رہے ۔
وکیل کا کہنا تھا کہ تحریک انصاف کو 2001 سے 2013 تک 29 لاکھ 92 ہزار ڈالرز فنڈز بیرون ملک سے موصول ہوئے ۔ الیکشن کمیشن نے عمران خان کیخلاف کیس کی سماعت یکم دسمبر تک ملتوی کر دی ۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
