لاہور: کھلاڑیوں نے 216 میٹر بلند پل سے جمپنگ کا مظاہرہ کر کے ایڈونچر کا شوق بھی پورا کیا ، دنیا والوں کو حیران بھی کر دیا
ایڈونچر کے شوقین نوجوانوں کیلئے شوق کا کوئی مول نہیں ہوتا اور اپنے اس شوق کی تکمیل کیلئے وہ ہر حد سے گزرجاتے ہیں چاہے اس دوران اُن کی جان ہی کیوں نہ چلی جائے۔ تصویر میں نظر آنیوالے ان کھلاڑیوں کو ہی دیکھ لیں جنہوں نے ایڈونچر کا شوق پورا کرنے کیلئے جنوبی افریقہ کے بلوکران نامی پُل کا انتخاب کیا ۔ کرتب بازی کے شوقین جانبازوں نے 216 میٹر بلند پُل سے بنجی جمپنگ کا خطرناک مظاہرہ پیش کر کے نہ صرف ایڈونچر کا شوق پورا کیا بلکہ دیکھنے والوں کو بھی اپنے اس کارنامے سے دنگ کر دیا۔
