Deepika Padukone, Salman Khan,

بالی ووڈ اداکارہ دپیکا پڈوکون نے سلمان خان کو سالگرہ پر تحفے میں دلہن دینے کی خواہش کا اظہار کیا ہے۔
ممبئی: (ویب ڈیسک) بالی ووڈ اداکارہ دپیکا پڈوکون نے سلمان خان کے ساتھ کام کرنے کی خواہش ظاہر کرتے ہوئے کہا ہے کہ ان کے ساتھ ہر کوئی اچھا لگتا ہے۔ بھارتی میڈیا کے مطابق ایک تقریب کے دوران جب دپیکا سے پوچھا گیا کہ وہ سلمان خان کو ان کی 50 ویں سالگرہ پر کیا دیں گی تو انہوں نے فورا کہا کہ ان کو ایک دلہن تحفے میں دوں گی جس پر صحافیوں نے زوردار قہقے لگائے۔ انہوں نے مزید کہا کہ وہ فلم سلطان یا کوئی اور فلم سلمان خان کے ساتھ سائن نہیں کر رہی ہیں۔ انہوں نے اس بات کی بھی تردید کر دی کہ بگ باس میں انہوں نے شرکت اس لیے کی تھی وہ کسی آنے والی فلم میں سلمان کے ساتھ آئیں گی۔ انہوں نے کہا بگ باس میں آنے کے بعد انہیں متعدد ہدایتکاروں کی جانب سے پیغامات وصول ہوئے کہ ان کی اور سلمان خان کی جوڑی پردے پر اچھی لگتی ہے۔ انہوں نے کہا کہ وہ سلمان خان کے ساتھ فلم میں کام کرنا ضرور چاہتی ہیں کیونکہ سلمان خان کے ساتھ جو بھی کام کرتاہے بہت اچھا لگتا ہے۔