خواتین پر تیز دھار آلے کے وار سے حملوں میں ملوث ملزم کی گرفتاری کے لیے ماہرین نفسیات سے بھی رابطے کیے جائینگے۔ اس سلسلے میں پولیس کا کہنا ہے کہ اس طرح کے معاملات بھی دیکھے جا رہے ہیں کہ ملزم کوئی ایسا گیم تو نہیں کھیل رہا، جس میں اسکو ٹاسک مل رہا ہو۔ تفتیشی ٹیم ماہرین نفسیات سے مشاورت کریگی کہ ملزم کی گرفتاری کے لیے کیا طریقہ کار اختیار کیا جاسکتا ہے۔ واضح رہے کراچی میں اب تک خواتین پر 13 حملے ہوچکے ہیں، لیکن تاحال کراچی میں آسیب کی طرح خوف پھیلانے والا چھلاوا گرفت میں نہ آسکا۔ پولیس نے جوہر چورنگی سے ایک مشتبہ شخص کو حراست میں لیکر پیپر کٹر برآمد کر لیا، رابعہ سٹی میں بھی سرچ آپریشن کے دوران 20 مشتبہ افراد کو دھرلیا۔