بدعنوانی کے الزامات : چینی ارب پتی گواو چانگ پولیس کی حراست میں

پرائیوٹ سیکٹر میں گروپ فوسن چین کا سب سے بڑا ادارہ ہے جس کے ارب پتی چیئرمین گواو گوانگ چانگ کو پولیس نے کرپشن کے چارجز پر پچھلے دو روز سے پکڑ رکھا ہے اور پوچھ گچھ کی جا رہی ہے ۔
بیجنگ (نیٹ نیوز) عالمی میڈیا کے مطابق چین کی سرکاری نیوز ایجنسی شنہوا کی رپورٹوں میں کہا گیا ہے کہ،148 بہت سے لوگ گوانگ چانگ کے لاپتہ ہونے کو حکام کی طرف سے چھان بین کے تناظر میں دیکھ رہے ہیں147 ۔ واضح رہے کہ اقتدار میں آنے کے بعد سے چینی صدر شی جن پنگ نے کرپشن کے خلاف انسداد دہشت گردی کی ایک وسیع مہم شروع کر رکھی ہے ۔ اس کے تحت ملک کی کئی نامور شخصیات قانون کے دائرے میں لائی جا چکی ہیں ۔ ان میں سابق سکیورٹی چیف ڑو یانگ کانگ سمیت بہت سے اہم نام ہیں ۔ کئی ایک کو سخت تفتیشی عمل کا سامنا ہے ۔ فوسن گروپ چین کی نجی کاروباری کمپنیوں کا سب سے بڑا اشتراک ہے جسے فوسن انٹرنیشنل کے نام سے جانا جاتا ہے۔ اس کے 50 ارب یوآن ($ 7.8 بلین ڈالر) کے خالص اثاثہ جات ہیں ۔ یہ کمپنی یورپ اور شمالی امریکا میں جائیداد ، خزانہ ، دواسازی ، سٹیل اور تفریحی اشیاءکی صنعت کے قدرے کمزور اثاثے انتہائی تیز رفتاری سے خریدنے سے گریز نہیں کرتی ۔ گوانگ چانگ 5.6 ارب ڈالر کی مجموعی مالیت کے ساتھ چین کی 17 ویں سب سے امیر شخص ہیں ۔