وزیراعظم نواز شریف نے کہا ہے کہ چارٹر آف ڈیمو کریسی پر قائم ہیں ، کوئی دوسرا نہ مانے تو وہ لاعلاج ہے ، میں نہ مانوں کی ضد پر قائم رہنے والوں کا ہم کچھ نہیں کرسکتے ۔

COD stand today, Prime Minister

آزادکشمیر کونسل سے خطاب میں وزیراعظم کا کہنا تھا کہ جمہوریت کا مطلب برداشت اور مثبت تنقید کا سامنا کرنا ہے، ہم آج تک میثاق جمہوریت پر قائم ہیں،نہ ماننے والوں کا کوئی علاج نہیں،ایک دوسرے کو برداشت کریں۔وزیراعظم نے آزاد جموں و کشمیر کونسل کے بجٹ اجلاس میں شرکت کی۔اجلاس کے آغاز پر وزیراعظم پاکستان نے آزاد جموں و کشمیر کونسل کے نومنتخب ارکان عبدالخالق وصی اور چودھری محمد صدیق سے حلف لیا۔اجلاس میں میاں نواز شریف نے آزاد کشمیر میں مختلف ترقیاتی منصوبوں پر پیشرفت کا جائزہ بھی لیا۔بعد ازاں وزیراعظم نےوادی نیلم میں بھارتی گولہ باری کا نشانہ بننے والی بس کا معائنہ کیا اور واقعے پر گہرے دکھ اورافسوس کااظہار کیا۔گزشتہ مہینے بس پربھارتی حملے میں 7شہری شہید ہوئے تھے۔اس سے پہلے وزیراعظم نوازشریف مظفر آباد پہنچے تو آزادکشمیر کے صدراوروزیراعظم نے ان کا استقبال کیا۔