چھٹا سالانہ یورپین والی بال ٹورنامنٹ حیدری کلب نے سنسنی خیز مقابلے کے بعد اپنے نام کر لیا، فائنل کے مرد میدان شیری وڑائچ قرار پائے
پیرس(یس اردو سپیشل،رپورٹ علی اشفاق)فرانس پاکستان ایسوسی ایشن کے زیر اہتمام چھٹے سالانہ یورپین والی بال ٹورنامنٹ کا ٹائٹل حیدری کلب نے اپنے نام کرلیا۔ دو دن جاری رہنے والے ٹورنامنٹ کے دوسرے دن فرانسیسی ممبر قومی اسمبلی فرانسوا پوپینی اور سفارتخانہ پاکستان فرانس کے ڈپٹی ہیڈ آف مشن قاضی امجد عزیز اور پریس قونصلر قمر بشیر صاحب نے خصوصی شرکت کی۔ بہترین ٹورنامنٹ کروانے پر فرانس پاکستان ایسوسی ایشن کو پاکستانیوں کا خراج تحسین
پیرس کے نواحی شہر سارسل میں چھٹے سالانہ یورپین والی بال ٹورنامنٹ کے دوسرے دن بھی ہزاروں لوگوں نے شرکت کی اور کھلاڑیوں کو خوبصورت کھیل پر کھل کر داد دی۔ فرانس پاکستان ایسوسی ایشن کے زیر اہتمام ہونے والے اس سالانہ دو روزہ ٹورنامنٹ فرانسیسی ممبر پارلیمنٹ فرانسوا پوپینی اور پاکستان سفارتخانے ڈپٹی ہیڈ آف مشن قاضی امجد عزیز اور پریس قونصلر قمر بشیر نے خصوصی طور پر شرکت کی۔ یورپ بھر کی بارہ ٹیموں 
میں سے سخت مقابلے کے بعد حیدری کلب اور پاک گروپ نے فائینل کیلئے کوالیفائی کیا۔ زبردست مقابلے کے بعد حیدری والی بال کلب نے فائینل جیت کر ٹائٹل اپنے نام کرلیا۔ اور پاک گروپ گروپ رنر اپ قرار پائی۔ یورپ بھر کے بہترین کھلاڑیوں نے اس ٹورنامنٹ میں اپنے بہترین کھیل سے حاضرین کو محظوظ کیا۔ ٹورنامنٹ انتظامیہ کی طرف سے ونر اور رنر اپ ٹیموں ، بہترین کھلاڑیوں ، اور انتظامیہ کو ٹرافیاں اور کیش انعامات پیش کئے گئے۔ یورپ بھر سے آئے ہوئے مہمانوں نے کھلاڑیوں میں انعامات تقسیم کئے۔ ہزاروں لوگوں نے اس ٹورنامنٹ کے تمام میچ دیکھے اور بہترین انتظامات کرنے اور صحت مندانہ تفریح مہیا کرنے پر فرانس پاکستان ایسوسی ایشن کو خراج تحسین پیش کیا۔
چھٹا سالانہ والی بال ٹورنامنٹ میں شیری وڑائچ نے سنسنی خیز کھیل پیش کیا، ، میچ مقرر وقت پر شروع ہوا جس میں شیری وڑائچ نے شروع سے ہی اپنی برتری برقرار رکھی، شیری وڑائچ کو مرد میدان قرار دیا گیا، فائنل میچ میں ممتاز سیاسی و سماجی شخصیات نے شرکت کی فائنل میچ کے بعد جیتنے والی ٹیم میں انعامات تقسیم کیے گئے اس موقع پر سینئر راہنما پیپلز پارٹی فرانس قاری فاروق احمد فاروقی نے فائنل میچ کے مرد میدان شیری وڑائچ کو ونر ٹرافی دی۔ چھٹا سالانہ والی بال ٹورنامنٹ فرانس پاکستان ایسوسی ایشن کے صدر چوہدری نوید آف پکھووال کی ولولہ انگیزقیادت اور پروجوش محنتوں کا ثمر ہے انہوں نے فرانس کے شہر سارسل میں یورپ بھر کی والی بال ٹیموں کو اکھٹا کر کے نیا ریکارڈ قائم کر دیا ہے۔
اس موقع پر ہال مہمانوں سے کھچا کچھ بھرا ہوا تھا، شائقین والی بال نے ٹورنامنٹ میں بھر پور شرکت کر کے اپنی کھیل سے محبت ووابستگی کا بہترین ثبوت پیش کیا، ٹورنامنٹ کی انتظامی کمیٹی نے بھر پور انتظامات کر کے شائقین کے دل موہ لیے۔ فرانس پارلیمنٹ کے ممبر اور فرانس پارلیمنٹ میں فرانس پاکستان ایسوسی ایشن کے صدر فرانسو اپوپینی نے ایونٹ میں شرکت کر کے اسے چار چاند لگا دیئے انہوں نے ٹورنامنٹ میں شرکت کرنے والی ٹیموں سے ملاقات کی اور ٹورنامنٹ میں شریک ٹیموں کو بہترین کھیل پر مبارکباد پیش کی
Senior PPP Leaders Abdul Sattar Malik and Qari Farooq Ahmed Enjoying Final VollyBall Match
