کھاریاں(نیئر صدیقی سے) سی پی ایل سی کے چیئرمین چوہدری اختر علی اور ممبران کا تھانہ ککرالی کا اچانک دورہ۔ حوالات اور روزنامچہ چیک کیا۔ گزشتہ روز سٹیزن پولیس لائزان کمیٹی گجرات کے چیئرمین چوہدری اختر علی نے سی پی ایل سی کے ایگزیکٹو ممبران چوہدری افتخار معروف، چوہدری شبیر احمد آف ککرالی کے ہمراہ تھانہ ککرالی کا اچانک معائنہ کیا۔ اور معائنہ کے دوران حوالات میں گرفتار ملزمان کے بارے میں معلومات حاصل کیں اور تھانہ کا ریکارڈ اور کارکردگی کے بارے میں ایس ایچ او تھانہ ککرالی انسپکٹر امیر عباس چدھڑ اور محرر تھانہ سے معلومات حاصل کیں۔ جبکہ ایس ایچ او امیر عباس چدھڑ کی کارکردگی پر اعتماد کا اظہار کیا۔ اس موقع پر چیئرمین سٹیزن پولس لائزن کمیٹی گجرات نے کہا کہ تھانہ ککرالی کے مظلوم لوگوں کی دادرسی کیلئے تھانہ ککرالی کے ممبران سی پی ایل سی ملک محمد الیاس اعوان ،شکیل احمد ذکاء ، چوہدری امجد رولیہ اور چوہدری شبر احمد آف ککرالی پر مشتمل کمیٹی نامزد کر دی ہے ۔ تھانہ ککرالی کے علاقہ سے تعلق رکھنے والے کسی فرد کو تھانہ ککرالی کے متعلق کوئی شکایت ہو تو وہ سی پی ایل سی کے دفتر پولیس لائن گجرات میں اپنی تحریری درخواست دے تو اس کی دادرسی کی جائے گی۔ اور ہنگامی حالات کی میں تھانہ ککرالی سے تعلق رکھنے والے سی پی ایل سی کے ممبران سے کسی وقت بھی رابطہ کیاجاسکتا ہے۔
