سرائے عالمگیر (نمائندہ خصوصی)ایم این اے چوہدری عابد رضا نے دورہ سرائے عالمگیر کے موقع پرمیڈیاسے بات چیت کرتے ہوئے کہا کہ پاکستان ہم سب کا ملک ہے اور اس کی تعمیرو ترقی کے لیے کسی دوسرے نے ہماری مدد نہیں کرنی بلکہ اپنے ذاتی مفادسے ہٹ کر پاکستان اور صرف پاکستان کی ترقی کو اپنی سوچ کا مرکز بناکردار ادا کرنا ہے یہ سوچ وزیر اعظم پاکستان میاں نواز شریف اور وزیر اعلی پنجاب میاں شہباز کی سیاست کا مرکزہے جس کی وجہ سے پاکستان کے حوالے سے دنیا کے خیالات تبدیل کر دیے ہیں اور میاں برادران کی کامیاب پالیسیوں کی وجہ سے پاکستان تجارتی حوالے سے دنیا کی توجہ کا مرکز بن چکاہے لیکن یاد رکھیں ملکی ترقی کے لیے اپنی بہت سی منزلیں طے کرنا باقی ہیں سب سے اہم کام، برادر ملک چینکے تعاون سے پاک چین اقتصادی راہداری منصوبے کی تکمیل سمیت تکنیکی ترقی کے لیے چین کی ایسی ٹیکنالوجی جو کہ چین کے لیے پرانی ہو چکی ہے لیکن ہماری صنعتوں کے لیے جدید ہے کی پاکستان میں منتقلی پر بات چیت جاری ہے جبکہ توانائی بحران کے خاتمے کے لیے بھی چین کا کردار قابل ستائش ہے انشااللہ آنے والے عرصے میں چین کے تعاون سے ہم بجلی بحران کا خاتمہ کر دینگے جس سے ملکی ترقی کا سفر تیز ہوگا انہوں نے مزید کہاکہ پاکستان کی تاریخ میں پہلی بار پاک فوج اورحکومت کسی اختلاف کے بغیر ملکی ترقی اور دفاع کے حوالے سے پاکستان اور عوامی ترقی کے یک نقاتی ایجنڈے پر متفق ہیں افغان سرحدی علاقے میں ضرب عضب ،پنجاب ،بلوچستان اور کراچی میں دہشتگردعناصرکے خلاف اپریشن اسی سلسلے کی کٹی ہے جبکہ آرمی چیف جنرل راحیل شریف کے دورہ روس سمیت دوسرے ممالک کے دوروں سے دوستوں کی تعداد میں اضافہ ہواہے جس کے مثبت اثرات عوام دیکھ رہے ہیں انہوں نے مزید کہاکہ عوام پاک آرمی اور حکومت کا ایک ایجنڈے پر ہونا دشمن کو پیغام ہے کہ پاکستان ہمارا ملک ہے اس کی تعمیر و ترقی اور خوشحالی کے لیے ہم بہتر فیصلے کرنے کی صلاحیت رکھتے ہیں اس کی کوئی بھی غلطی اس کی آخری غلطی ہوگی انہوں نے مزید کہاکہ میاں برادران کا ماضی گواہ ہے کہ انہوں نے ملک و قوم کے خلاف کسی مشن و منشور کو کبھی بھی قبول نہیں کیا،آئندہ بھی وہ ملکی ترقی کے لیے آخری حد تک جانے کو تیار ہیں پاکستام کے عوام دیکھ رہے ہیں کہ پاکستان کی ترقی کی منزل دور نہیں تھوڑے عرصے کی بات ہے جس کی وجہ سے دشمن کو پاکستان کی ترقی کی مرچی لگی ہوئی ہے اور وہ اپنے منفی حربوں کے ذریعے ملک میں انتشار پھیلانے کی ناکام کوششیں کررہاہے لیکن وہ کبھی بھی کامیاب نہیں ہوگاکیونکہ اس وقت پاکستان کی خالق سیاسی جماعت مسلم لیگ ن کی حکومت ہے اور عوام میاں برادران کے ساتھ ہیں اور ہم مسلم لیگ ن کے کارکن ہونے کی حثیت سے اعلان کرتے ہیں کہ حالات کچھ بھی ہوں ہر مشکل گھڑی میں اپنے قائد میاں برادران کے مشن تکمیل کے لیے ان کے ساتھ ہیں ۔
