Chanderpaul retirement

پورٹ آف اسپین….ویسٹ انڈین بیٹسمین شیو نارائن چندر پال نے تمام کرکٹ فارمیٹ سے ریٹائرمنٹ کا اعلان کردیا ہے۔
ماڈرن کرکٹ میں سچن ٹنڈولکر کے بعد وہ دوسرے کرکٹر ہیں ،جن کا کیریئر دو دہائیوں پرمشتمل ہے ،شیو نارائن چندر پال نے ویسٹ انڈین کرکٹ کو 22 سال دیئے ،جس کے بعد آج انہوں نے تمام کرکٹ فارمیٹ سے ریٹائرمنٹ کا اعلان کردیا۔164 ٹیسٹ میں 30سنچریز کی مدد سے 11867 رنز بنانے والے چندرپال نے مئی 2015 سے نہیں کھیلا تھا،ویسٹ انڈین سلیکٹرز نے ناقص پرفارمنس کی وجہ سے انہیں انگلینڈ کے خلاف ہوم سیریز سے بھی ڈراپ کردیا تھا۔چندر پال نے 268 ون ڈے میں اپنے ملک کی نمائندگی کی اور 8778 رنز اسکور کئے ،جن میں 11سنچریاں شامل تھیں،22 ٹی ٹوئنٹی میچز میں وہ صرف 343 رنز ہی بناسکے۔ویسٹ انڈین کرکٹ بورڈ نے ان کے ریٹائرمنٹ کی خبر کی تصدیق کرتے ہوئے کہا کہ چندرپال ایک عہد ہیں ،ان کی خدمات کبھی نہیں بھلائی جاسکتیں۔