لاہور: اداکار کی 52 ویں سالگرہ میں بالی ووڈ کی نامور شخصیات کے علاوہ ان کے قریبی دوستوں نے بھی شرکت کی
بالی ووڈ کنگ شاہ رخ خان نے گزشتہ روز اپنی 52 ویں سالگرہ منائی۔ ان کی بیٹی سہانا نے اپنے ڈیڈی کیلئے دوستوں کیساتھ مل کرایک پارٹی رکھی جس میں فیملی کے علاوہ شاہ رخ کے شوبز کے قریبی دوستوں نے شرکت کی۔ بالی ووڈ کے ان جگمگاتے ستاروں میں سنجے کپور، کترینہ کیف، کرن جوہر، عالیہ بھٹ، سدھارتھ ملہوترا، فرح خان و دیگر شامل تھے۔ پارٹی کی خاص بات یہ تھی کہ شاہ رخ اس میں فوٹوگرافر بن گئے اور سب کی تصاویر بناتے رہے۔ سالگرہ تقریب کی تصاویر نے سوشل میڈیا پر دھوم مچادی ہے جس میں بالی ووڈ فنکار اپنے بچوں کیساتھ بھی شریک ہوئے تھے۔
