راولپنڈی(ویب ڈیسک) آرمی چیف نے ہر شعبے میں سعودی مسلح افواج کا ساتھ دینے اور سعودی عرب کی حمایت کی یقین دہانی کروا دی جی ایچ کیو میں جنرل قمر باجوہ کی وزیردفاع کے مشیر طلال عبد اللہ العطیبی اور سعودی وزیر اطلاعات سے ملاقات، سلامتی کی صورتحال اور باہمی دلچسپی کے امور پر تبادلہ خیال کیا گیاآرمی چیف نے ہر شعبے میں سعودی مسلح افواج کا ساتھ دینے اور سعودی عرب کی حمایت کی یقین دہانی کروا دی، جی ایچ کیو میں جنرل قمر باجوہ کی وزیردفاع کے مشیر طلال عبد اللہ العطیبی اور سعودی وزیر اطلاعات سے ملاقات، سلامتی کی صورتحال اور باہمی دلچسپی کے امور پر تبادلہ خیال کیا گیا۔ تفصیلات کے مطابق آرمی چیف جنرل قمر جاوید باجوہ کی سعودی وزرِ اطلاعات ترکی بن عبداللہ بن الشبانہ سے ملاقات ہوئی ہے۔ملاقات جی ایچ کیو میں ہوئی۔ ملاقات میں سعودی وزیردفاع کے مشیر طلال عبد اللہ العطیبی اور پاکستان میں تعینات سعودی سفیر نواف سعید المالکی بھی موجود تھے۔ ملاقات میں سلامتی کی صورتحال اور باہمی دلچسپی کے امور پر تبادلہ خیال کیا گیا۔آرمی چیف کا شہزادہ بندر بن عبدالعزیز السعود کے انتقال پر اظہار افسوس بھی کیا۔ ملاقات میں آرمی چیف جنرل قمر باجوہ نے سعودی وفد کو یقین دلایا کہ پاک فوج ہر شعبے میں سعودی عرب کی فوج کی بھرپور مدد کرے گی۔آرمی چیف نے کہا کہ پاکستان اور سعودی عرب میں دفاعی تعاون کی تاریخ ہے۔ اس ملاقات کے حوالے سے ڈی جی آئی ایس پی آر کے انگریزی اور عربی میں ٹویٹ سامنے آئے۔ ڈی جی آئی ایس پی آر نے اپنے پہلے ٹویٹر پیغام میں انگریزی میں لکھا کہ ’’سعودی عرب سے آنے والے مہمان خصوصی ترکی بن عبد اللہ بن الشبانہ اور میجر جنرل طلال عبد اللہ الوٹبیبی، سعودی عرب کے انسانی وسائل کے وزیر دفاع اور ملٹری مشیر نے چیف آف آرمی سٹاف سے ملاقات کی۔اس دوران آرمی چیف نے کہا کہ ’ہم اپنے دفاعی تعاون کی تاریخ کو بہت اہمیت دیتے ہیں۔ پاک فوج تما شعبوں میں سعودی مسلح افواج کے ساتھ کھڑی ہے۔
