بیجنگ (جیوڈیسک) بیجنگ میں چینی فیشن ویک کا آغاز ہوگیا، نئے ڈیزائنرز کے تیار کردہ دلکش ملبوسات نے دیکھنے والوں کو سحر زدہ کر دیا۔
بیجنگ فیشن ویک کے پہلے دن نئے ڈیزائنرز نے اپنے تیار کردہ ملبوسات نمائش کے لیے پیش کیے۔ رنگ برنگے ملبوسات زیب تن کیے ماڈلز نے ریمپ پر خوب جلوے بکھیرے۔ ایک لباس پر تو جیسے پورا بیجنگ شہر ہی سمٹ آیا۔ ایک ہفتے تک جاری رہنے والے اس فیشن ویک میں درجنوں ڈیزائنر اپنے تیار کردہ ملبوسات شائقین کے لیے پیش کریں گے۔
