بلوچستان کے ضلع کیچ کے علاقے شاپک میں دہشت گردوں نے سیکیورٹی فورسز کی گاڑیوں پر فائرنگ کی،فائرنگ سے ایک ایک گاڑی الٹ گئی۔فائرنگ اور گاڑی الٹنے سے 5سیکورٹی اہلکار شہید،6زخمی ہوگئے ،وزیر اعلی بلوچستان کی جانب سے واقعے کی مذمت کی گئی ہے۔
لیویز کے مطابق ضلع کیچ کے علاقے شاپک میں سیکیورٹی فورسز کی دو گاڑیاں گشت کررہی تھیں کہ نامعلوم مسلح افراد نے سیکیورٹی فورسز کی گاڑیوں پر فائرنگ کردی جس کے نتیجے میں سیکیورٹی فورسز کی ایک گاڑی بے قابو ہوکر الٹ گئی۔فائرنگ اور گاڑی الٹنے کے نتیجے میں 5سیکیورٹی اہلکارحوالدارذاکر، لائس نائق مسعود، سپاہی فرحان اللہ،سپاہی شہباز قیصر اور سپاہی مسعود شہید ہوگئے جبکہ 6اہلکار حوالدارقمبر ، سپاہی اسداللہ، ساہی سہیل، سپاہی بلال، سپاہی صفت اللہ اور سپاہی حنیف زخمی ہوگئے۔
واقعے کے بعد ایف سی اور لیویز کی بھاری نفری موقع پر پہنچ گئی، شہید اور زخمیوں کو ڈسٹرکٹ ہسپتال تربت منتقل کردیا گیا۔فورسز نے علاقے کو گھیرے کو لے کر سرچ آپریشن شروع کردیا،وزیر اعلیٰ بلوچستان میر عبدالقدوس بزنجو نے تربت میں دہشت گردوں کے حملے میں سیکورٹی اہلکاروں کی شہادت اور زخمی ہونے پر دلی رنج و غم کا اظہار کیا ہے۔انہوں نے کہا کہ بزدل دہشت گرد چھپ کر سیکیورٹی فورسز کو نشانہ بنارہے ہیں، ملک دشمن عناصر کے ناپاک عزائم کو تائید و حمایت سے ناکام بنادیا جائے گا۔
