Baloch condemned the Karachi bombing
وزیراعلیٰ بلوچستان نواب ثناء اللہ خان زہری نے کراچی میں امام بارگاہ پر دستی بم حملے کی مذمت کرتے ہوئے دھماکے میں قیمتی جانی نقصان پر دکھ اور افسوس کا اظہار کیا ہے۔
اپنے ایک مذمتی بیان میں وزیراعلیٰ نے کہا کہ دہشت گرد اپنے مذموم مقاصد کے حصول کیلئے محرم کے مقدس ماہ میں بدامنی پیدا کرنا چاہتے ہیں۔
لیکن قومی اتحاد واتفاق سے ملک و قوم کے خلاف تمام سازشوں کو ناکام بنادیا جائے گا۔ کراچی بم حملہ کے تناظر میں وزیراعلیٰ نے پولیس اور انتظامیہ کو کوئٹہ سمیت صوبے کے دیگر علاقوں میں امام بارگاہوں اور مجالس اعزاء کے دوران حفاطتی اقدامات کو مزید موثر بنانے کی ہدایت کی ہے۔
انہوں نے قانون نافذ کرنیوالے تمام اداروں پر زور دیا ہے کہ محرم الحرام کے دوران مستعد اور فعال رہ کر عوام کے جان و مال کے تحفظ کو ہر صورت یقینی بنایا جائے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
