ننکانہ صاحب(محمد قمر عباس)ڈسٹرکٹ با ر ایسو سی ایشن ننکانہ صاحب کی مجلس عاملہ کے رکن چوہدری اویس باور کی وفاقی وزیر ریلوے خواجہ سعد رفیق سے ملاقات ،وفاقی وزیر کی ننکانہ صاحب میں وکلاء کالونی کے لئے بھرپور کوششیں کرنے کی یقین دہانی۔ تفصیلات کے مطابق معروف سیا سی و سماجی کارکن اور ڈسٹرکٹ بار ایسو سی ایشن ننکانہ صاحب کی مجلس عاملہ کے رکن چوہدری اویس باور نے گزشتہ روز وفاقی وزیر ریلوے خواجہ سعد رفیق سے ان کے دفتر میں ملاقات کی ،خواجہ سعد رفیق نے اویس باور سے گفتگو کرتے ہوئے کہا کہ عدلیہ اور جمہوریت کی بحالی کے لئے وکلاء کا کردار ناقابل فراموش ہے ،وکلاء نے ہر مشکل دور میں جمہوریت کا ساتھ دیا ہے ۔خواجہ سعد رفیق نے کہا ہے کہ موجودہ حکومت عوام کی مشکلات سے بخوبی آگاہ ہے اور ان کے حل کے لئے زبانی جمع خرچ کی جائے عملی اقدامات کر رہی ہے ،میاں نواز شریف کی قیادت میں ترقی کا سفر شروع ہو چکا ہے ۔2018 کے عام انتخابات سے قبل ملک سے لوڈ شیڈنگ ،دہشت گردی اور بیڈ گورنس سمیت تمام مسائل حل کر نے میں ضرور کامیاب ہو جائیں گے ۔خواجہ سعدنے یقین دہانی کروائی کہ ننکانہ صاحب میں وکلاء کالونی کی تعمیر میں درپیش رکاوٹوں کو دور کرنے کے لئے وہ اپنا بھرپور کردار ادا کریں گے
