Asia Cup: Pakistan bowled

ڈھاکا……ایشیا کپ کرکٹ میں بھارت نےپاکستان کو6وکٹ سے ہرادیا،پاکستان کی بیٹنگ لائن ایک مرتبہ پھر دھوکہ دے گئی اورپوری ٹیم 83رنز کے مجموعے پر ڈھیر ہو گئی ۔
پاکستان کی جانب سے دیئے جانے والے معمولی 84رنز کے ہدف کے تعاقب میں بھارتی ٹیم کوابتداء میںتین وکٹوں کا نقصان ہوا،پاکستان کے محمد عامر نےتین وکٹیں حاصل کرکے سنسنی مچائی تاہم ویرات کوہلی اوریووراج سنگھ نے ٹیم کو سنبھالااور بھارت کا اسکور76رنز تک پہنچا دیا اس موقع پرمحمد سمیع نے متواتر دو وکٹیں حاصل کر کے مایوس پاکستانیوں کی مایوسی کوکچھ کم کرنے کی کوشش کی ۔تاہم بھارت نے16ویں اوور میں 84رنز کا ہدف5وکٹوں کے نقصان پر حاصل کرکے پاکستان کو نہ صرف شکست دے دی بلکہ ٹی ٹوئنٹی میں پاکستان پر اپنی برتری کی روایت کو بھی برقرار رکھا۔پاکستان کی جانب سے محمد عامر نے3اور محمد سمیع نے 2وکٹیں حاصل کیں۔اس سے قبل بھارت نے ٹاس جیت کر پاکستان کو بیٹنگ کی دعوت دی ،پاکستان نے پہلے بیٹنگ کرتے ہو ئے ایک اور دل شکن داستان رقم کرتے ہو ئے 83رنز کے حقیر سے اسکور پر ڈھیر ہو گئی۔ایک موقع پر پاکستان اپنے کم سے کم اسکور74رنز سے بھی دورنظر آرہا تھا اس موقع پر سرفرا حمد کی25رنز کی اننگ نے اس صورت حال سے پاکستان کوبچالیا۔سرفراز احمد25،اورخرم منظور10رنز کے ساتھ ڈبل فیگر میں داخل ہو سکے ،پاکستان کے بقیہ آٹھ بیٹسمین ڈبل فیگربھی حاصل نہ کرسکے ۔بھارت کی جانب سے پانڈیا نے3وکٹیں اور جدیجا نے 2حاصل کیں، اشیش نہرا ،جسپیت بمرا،یووراج سنگھ نے ایک ایک وکٹ حاصل کی۔بھارت کے ویرات کوہلی کو 49رنز کی شاندار اننگ پر میچ کا بہترین کھلاڑی قرار دیا گیا۔