As long as the fans want, i will keep working, Saima

لاہور: سینئر اداکارہ صائمہ نور نے کہا کہ جب تک پرستار سکرین پر دیکھنا چاہیں گے میں چھوٹی اور بڑی سکرین پر کام کرتی رہوں گی ، جب بھی شوبز کو خیر باد کہوں گی تو بھرا میلہ چھوڑ کر جائوں گی۔ اداکارہ کا کہنا تھا میری کامیابیوں میں محنت کیساتھ ساتھ میرے شوہر کا بھی سب سے زیادہ کردار رہا ہے۔ انہوں نے بتایا کہ میں کراچی میں بننے والی ڈرامہ سیریل میں کام کر رہی ہوں۔ انہوں نے کہا میں نے اردو فلموں میں بھی اداکاری کی مگر میری شخصیت کے اعتبار سے پرستار مجھے صرف پنجابی فلموں میں دیکھنا چاہتے ہیں اور یہی وجہ ہے کہ میری پنجابی فلموں کی تعداد زیادہ ہے۔ انہوں نے کہا میں نے تمام اچھے ہدایتکاروں کیساتھ کام کیا ہے اور مستقبل میں بھی ایسے ہدایتکاروں کیساتھ کام کرونگی جن کا سکرپٹ جاندار ہو گا۔