الیکشن 2018 نتائج اوراسمبلیوں پرانگلی اٹھانے والوں کا حکومت مخالف کیس کیلئے اچانک الیکشن کمشنر کی مدت ملازمت میں توسیع کا مطالبہ کرنا کھلی منافقت ہے، چوہدری اشفاق جٹ
پیرس/اسلام آباد(ایس ایم حسنین) پاکستان تحریک انصاف فرانس کے نامزد نائب صدر چوہدری اشفاق جٹ نے کہا ہے کہ الیکشن 2018 کے نتائج پرواویلا مچانے والے مولانا فضل الرحمن اوراپوزیشن والوں کا اچانک الیکشن کمشنر کیساتھ ہمدردی کرنا کھلی منافقت ہے۔ چیف الیکشن کمشنر اگر ایماندار ہیں اور اپوزیشن یک زبان ہوکر ان کی مدت ملازمت میں توسیع چاہتی ہے تو الیکشن کمیشن کے منعقدہ 2018 کو بھی اپوزیشن کو من وعن تسلیم کرنا پڑیگا۔
ان کا کہنا تھا کہ چیف الیکشن کمشنر کے زیرنگرانی انتخابات کو دھاندلی زدہ قرار دینا اورفارن فنڈنگ کیس کیلئے اسی چیف الیکشن کمشنر کو ایماندار قرار دینا کھلی منافقت ہے۔
