اس فلم میں جو کہ تاریخی ڈرامہ ہے ، بالواسطہ طور پر مسلم مخالف مواد موجود ہے ۔ اس لئے پاکستان کے سنسر بورڈ نے فلم کے مواد پر اعتراض کر دیا ہے ، گویا پاکستان ریلیز ہونے میں باجی راو مستانی کو لاحق ہوئی ہے پریشانی ۔
کراچی (نیٹ نیوز ) امریکی خبر رساں ادارے کے مطابق لگتا ہے کہ رنویر سنگھ اور دپیکا پڈکون کی آنے والی فلم باجی راو مستانی کی پاکستان میں ریلیز کھٹائی میں پڑنے والی ہے ۔ پاکستانی سنسر بورڈ نے تا حال فلم کو نمائش کا سرٹیفیکٹ جاری نہیں کیا ہے ۔ سینٹرل بورڈ آف فلم سرٹیفیکیشن آف پاکستان ، سی بی ایف سی کے چیئرمین مبشر حسن کا کہنا ہے کہ سرٹیفیکیٹ نہ دینے کی پہلی وجہ تو یہ ہے کہ فلم ہندی میں ہے اورہمارا آرڈیننس ہندی فلموں کی نمائش کی اجازت نہیں دیتا ۔ دوسرا یہ کہ اس میں بالواسطہ طور پر اسلام اور مسلمانوں کے خلاف مواد موجود ہے ۔ سنسر بورڈ کا پینل ابتدائی طور پر فلم کو مسترد کر چکا ہے ۔ تاہم فلم کے مقامی ڈسٹری بیوٹرز کے مطالبے پر فلم بورڈ فلم دوبارہ دیکھے گا ۔ ادھر پنجاب سنسر بورڈ نے فلم کو بغیر کاٹ چھانٹ کے پاس کردیا ہے ۔ صوبائی سنسر بورڈ کے سیکشن افسر کے مطابق فلم میں کچھ بولڈ مناظر ہیں ۔ لیکن مجموعی طور پر باجی راو مستانی تاریخی فلم ہے جس میں کئی سبق بھی موجود ہیں ۔ اس سے قبل شاہد کپور کی فلم 146حیدر145 کو بھی پاکستان میں ریلیز کی منظوری نہیں ملی تھی جبکہ عامرخان کی بلاک بسٹر فلم 146پی کے145 کے بعض مناظر کو فلم سے حذف کر دیا گیا تھا ۔
