ایک خاتون کی کیس میں انٹری سے ایک اور کہانی سامنے آ گئی

کراچی (ویب ڈیسک) نجی ٹی وی سے تعلق رکھنے والے اینکر پرسن مرید عباس کو قتل کرنے والے ملزم کو اس کے گھر سے زخمی حالت میں گرفتار کرلیا گیا ہے۔ ایس ایس پی ساﺅتھ شیراز نذیر نے میڈیا سے گفتگو کے دوران بتایا ہے کہ اینکر پرسن مرید عباس کو قتل کرنے والے ملزم عاطف زمان کو زخمی حالت میں گرفتار کرکے ہسپتال منتقل کردیا گیا ہے۔ انہوں نے بتایا کہ خیابان بخاری میں ملزم عاطف زمان نے فائرنگ کرکے مرید عباس کو قتل کیا ، اس دوران خضر فرار ہوگیا تاہم ملزم نے تعاقب کرکے اسے بھی قتل کردیا۔ بعد ازاں ملزم نے اپنی رہائش گاہ پر جا کر خود کو گولی مارلی۔ دوسری جانب اینکر پرسن مرید عباس کی اہلیہ زارا عباس نے میڈیا کو بتایا کہ ان کے شوہر نے انہیں رات کو 8 بجے فون کرکے بلایا اور بتایا کہ اسے عاطف زمان نے کال کی ہے۔ رمضان المبارک سے پیسوں کا لین دین چل رہا تھا، عاطف بہت سے لوگوں کے پیسے کھا کر بیٹھا ہوا ہے، مرید عباس نے ٹائروں کے کاروبار میں سرمایہ کاری کی تھی، عاطف زمان نے مرید کے 50 لاکھ روپے دینے تھے۔ واضح رہے کہ کراچی کے علاقے خیابان بخاری میں کار پر چند افراد کی جانب سے فائرنگ کی گئی، جس کے نتیجے میں نامور اینکر پرسن جاں بحق ہوگئے جو کہ سماء ٹی وی سے بھی منسلک تھے۔ روشنیوں کے شہر کراچی میں گزشتہ روز 30 منٹ میں فائرنگ کے تین واقعات ہوئے جن میں 3 افراد جان کی بازی ہار گئے ہیں، جن میں گزشتہ روز خیابان بخاری میں نامعلوم افراد کی جانب سے ایک کار پر فائرنگ کی گئی جس میں پاکستان کے نامور اینکر پرسن مرید عباس جاں بحق ہوگئے۔ مرید عباس کا شمار پاکستان کے مایہ ناز اینکروں میں ہوتا ہے جبکہ مرید عباس سماء ٹی وی سے بھی منسلک رہ چکے ہیں۔ ذرائع کا کہنا ہے کہ مرید عباس گاڑی پر آرہے تھے کہ نامعلوم افراد کی جانب سے انکی گاڑی کو فائرنگ کا نشانہ بنایا گیا، فائرنگ جھگڑے کے دوران ہوئی۔