چین میں سالانہ انٹرنیشنل میراتھن کا انعقاد کیا گیا جس میں دنیا بھر سے آئے کھلاڑیوں نے شرکت کی اور خوب دوڑ لگاتے ہوئے اپنی فٹنس کا عملی مظاہرہ کیا اور شائقین کی خوب داد سمیٹی۔

چین کے شہر شنگھائی میں منعقد ہونے والی اس بین الاقوامی ریس میں چین، جنوبی افریقہ، ایتھوپیا سمیت مختلف ممالک سے تعلق رکھنے والے مرد و خواتین سمیت اٹھائیس ہزار سے زائد افراد نے حصہ لیا اور طویل راستے پر دوڑتے ہوئے ایک دوسرے پر سبقت لے جانے کی بھرپور کوشش کی جبکہ اس دوران چین سے تعلق رکھنے والے عام افراد نے بھی بڑھ چڑھ کر حصہ لیا اور اپنے بچوں ہمراہ خوب دوڑ لگائی۔

ہر سال کی طرح اس سال بھی منعقد ہونے والی اس سالانہ ریس میں مردو ں کی کیٹگری میں جنوبی افریقہ کا کھلاڑی فاتح قرار پایا جبکہ خواتین میں ایتھوپیا سے تعلق رکھنے والی ایتھلٹ نے اپنی مہارت اور فٹنس کی بنا پر یہ میراتھن اپنے نام کرلی۔