ممبئی : بچوں کے درمیان گلوکاری کا مقابلہ انڈین آئڈل جونیئر 2 بالاخر اپنے اختتام کو پہنچا۔ بھارتی ریاست اوڑیسا سے تعلق رکھنے والی آننیا نندا نے کڑے مقابلے کے بعد اپنی حریفوں ناہید آفرین اور نتشری کو شکست دی۔ آن لائن عوامی رائے اور ججوں کے پوائنٹس کے بعد آننیا نندا کو گلوکاری کے اس مقابلے میں کامیاب قرار دیا گیا۔
آننیا نندا نے آڈیشن سے لے کر فائنل مقابلے تک ہر طرف سے داد وتحسین سمیٹی۔ انہوں نے ہر طرح کے گانوں کو کمال مہارت سے اس طرح گایا کہ یہ گمان ہی نہ گزرتا تھا کہ وہ اتنی چھوٹی بچی ہیں۔ انہوں نے ہر طرح کے گانوں کو کمال مہارت سے گا کر عوام اور ججوں کو اپنا گرویدہ بنا لیا تھا۔
گزشتہ روز کے مقابلے میں انہوں نے بھارتی فلم لمحے کا گانا مورنی باغاں میں بولے گا کر سب ک دل موہ لئے تھے۔
