کراچی (نیوز ڈیسک) پی ٹی آئی کے رہنماء عامر لیاقت حسین نہ صرف ٹی وی چینل بلکہ سوشل میڈیا پر بھی اپنی تند و تیز زبان کی وجہ سے اکثر صارفین کی تنقید کا نشانہ بنتے رہتے ہیں۔ تاہم اس بار انہوں نے حال ہی میں جیو نیوز چھوڑنے والے سینئر صحافی طلعت حسین کے بارے میں ایسی بات کہہ دی کہ سوشل میڈیا صارفین آگ بگولہ ہوگئے اور انہوں نے پی ٹی آئی رہنماء کو آرھے ہاتھوں لے لیا۔
تفصیلات کے مطابق سماجی رابطوں کی ویب سائٹ ٹوئٹ پر اپنے ایک پیغام میں پی ٹی آئی رہنماء عامر لیاقت حسین کا کہنا تھا کہ ”سب سے پہلے ابلیس کو نکالا گیا ،سب سے آخر میں طلعت حسین کو نکالا گیا“۔

عامر لیاقت کے ٹویٹ پر رد عمل دیتے ہوئے زش ہاشمی نامی شخص نے کہا ’’ سب سے پہلے آپ کو ہی جیو سے نکالا گیا تھا ،مطلب آ پ خود ہی اپنے آپ کو شیطان کہتے ہیں‘‘۔

ایک اور صارف اعجاز رضا نےعامر لیاقت کو جواب دیتے ہوئے لکھا کہ ’’ ابلیس تو ابھی تک بول میں ہے‘‘۔

ایک صارف ڈاکٹراظفر عزیز نے کہا ’’ بس یہی ایک بات اچھی ہے عامر لیاقت کی پہلے اپنا ذکر کرتا ہے اور پھر دوسرے کا ‘‘۔

عادل صدیق نامی صارف نے عامر لیاقت حسین کے ٹویٹ پر اپنا رد عمل دیتے ہوئے لکھا کہ ’’ تمہیں تو بہت پہلے ہی انہوں نے لات مار دی تھی ،تمہارے کرتوت دیکھ کر تو ابلیس بھی پنا ہ مانگتا ہو گا‘‘۔

یاد رہے کہ سینیر صحافی طلعت حسین نے طویل عرصہ جیو نیوز کے ساتھ منسلک رہنے کے بعد جیو نیوز کو خیر باد کہہ دیا تھا، سینئر صحافی نے جیو نیوز چھوڑنے کی اطلاع سماجی رابطوں کی ویب سائٹ ٹوئٹر پر اپنے ایک پیغام میں دی.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔