حال ہی میں چین کے طول و عرض سے آنے والے بازیگروں نے ایک حیرت انگیزشو میں اپنے فن کا بھرپور مظاہرہ کیا۔ یہ تقریب ثقافتی، رنگ برنگی اور روشنیوں سے بھرپور تھی۔ چینی ثقافت کے اس حصے کو زندہ رکھنے کے لیے چین بھر میں بازیگری پر مبنی شوز اکثر و بیشتر منعقد کیے جاتے ہیں جس میں مقامی اور غیر ملکی بہت زیادہ دلچسپی لیتے ہیں۔
اس شو میں بھی لوگوں کی ایک بڑی تعداد نے شرکت کی اور بھرپور جوش وجذبے کے ساتھ لطف اندوز ہوئے۔ دنیا بھرمیں چینی بازیگری کو بہترین فنون میں شمار کیا جاتا ہے اور یہ گزشتہ دوہزار سال سے زیادہ عرصے سے اپنا وجود رکھتا ہے۔
توازن برقرار رکھنا، مکمل توجہ اور پرسکون رہنا ہی چینی بازیگری کی خاصیت ہے جبکہ اس کی ایک خاصیت فضا میں اونچی چھلانگ لگانے کی پرفارمنس ہے۔
اس فن میں جو آلات اور اشیاء استعمال ہوتے ہیں ان میں ویکر رنگز (ایک لوہے کا گول اور بڑا سا رنگ )، ٹیبل، کرسیاں، جار، پلیٹس، پیالے اور اونچی چھلانگ لگانے والی ترشول شامل ہیں جو پرفارمنس دکھانے کے لیے استعمال کی جاتی ہیں۔
اس کے علاوہ اسپرنگ بورڈ اسٹنٹس، کرسیوں پر توازن قائم کرنا اور جار پر کرتب دکھانا بھی اس فن کا حصہ ہیں جبکہ گول رنگ کے اندر سے ڈائیو لگانے کی چینی بازیگری کی جدید اور قدیم ترکیب بھی کافی مقبول ہے۔
