سرگودھا…….سرگودھا پولیس نے کاریں اور موٹرسائیکلیں ڈکیتی کرنے والے 6خطرناک گینگز گرفتار کر لئے جبکہ چھینی گئیں 67کاریں اور 152موٹر سائیکلیں ان کے مالکان کے حوالے کر دیں گئی ۔پولیس لائن سرگودھا میں پریس کانفرنس کے دوران آر پی او سرگودھا ذوالفقار حمید ڈی پی او سجاد حسن منج نے گاڑیوں کی چاپیاں مالکان کے حوالے کیں۔ آر پی او سرگودھا نے اس موقع پر بتایا کہ جرا ئم پیشہ افراد کیخلاف گذشتہ سال کے دوران ڈویژن بھر میں 374سرچ آپریشن کیے گئے اور 6619مشتبہ افراد کو حراست میں لیا گیا، 1100مقدمات ان کیخلاف درج کئے گئے۔انہوں نے بتایا کہ نیشنل ایکشن پلان کے تحت لاؤڈسپیکر ایکٹ کی خلاف ورزی کرنے پر 211افراد کے خلاف مقدمات درج کرکے انہیں گرفتار کیا گیا جبکہ فارن ایکٹ کے تحت23 مقدمات درج کرکے 70افراد کو گرفتار کیا گیا۔انہوں نے بتایا کہ کرایہ داری ایکٹ کی خلاف ورزی پر 155افراد کو گرفتار کیا گیا انہوں نے بتایا کہ سنگین واقعات میں ملوث 6گینگ گرفتار کرکے کروڑوں کا مسروقہ مال برآمد لیا گیا ۔
