علیمہ خان پچھلے 20 سال سے کاٹن ایکسپورٹ کا کام کر رہی ہیں: فواد چوہدری

اسلام آباد(مانیٹرنگ ڈیسک )وفاقی وزیر اطلاعات فواد چوہدری کا کہنا ہے کہ وزیراعظم عمران خان کی بہن علیمہ خان گزشتہ 20 سال سے کاٹن ایکسپورٹ کاکام کر رہی ہیں ، انہی ذرائع سے انہوں نے دولت بنائی ہے ۔ تفصیلات کے مطابق نجی ٹی وی چینل کے پروگرام میں دلچسپ صورتحالاس وقت پیدا ہوئی جب سینئر صحافی حامد میر پروگرام کی میزبانی کر رہے تھے اور مہمان تھے وفاقی وزیر اطلاعات و نشریات فواد حسین چوہددری اور مسلم لیگ ن کی ترجمان مریم اورنگزیب۔ تکرار کا سلسلہ جاری تھا کہ ن لیگی ترجمان مریم اورنگزیب نے موقع پاتے ہوئے سوال پوچھ لیا کہ یہ بتایا جائے کہ علیمہ باجی نے ذرائع آمدن کیا ہیں جن سے انہوں نے اتنی پراپرٹی بنا لی ہے۔ مریم اورنگزیب کا سوال سن کر فواد چوہدری سے رہا نہ گیا اور جواب دیتے ہوئے کہا کہ مریم اورنگزیب جتنا پکا منہ بنا کر بات کرتی ہیں اس پر تو یہ ایوارڈ کی مستحق ہیں، میں اس وقت انکی فنکاری کی بات کر رہا ہوں ۔ فواد چوہدری کا کہا تھا کہ مسلم لیگ ن نے ایک پالیسی بنا لی ہے کہ پانی کو اتنا گدلا کر دیا جائے کہ لوگ سمجھ ہی نہ پائین کہ کیا ہو رہا ہے ۔ فواد چوہدری نے مریم اورنگزیب کی کلاس لگانے کے بعد انہیں جواب دیتے ہوئے کہا کہ علیمہ باجی پچھلے کئی سالوں سے وہ کاٹن ایکسپورٹ کر رہی ہیں اور یہ سب جانتے ہیں، یہ وہ ذرائع ہیں جس سے انہوں نے پراپرٹی بنائی ہے ۔