کراچی کی احتساب عدالت نے ڈاکٹر عاصم کے خلاف دائر462ارب روپے کےریفرنس کی سماعت کے دوران ڈاکٹر عاصم کو6ہفتے کے لیے ہائیڈرو تھراپی کرانے کی اجازت دیتے ہوئے 28جنوری کو میڈیکل بورڈ سے رائے اور مزید گواہ طلب کرلیے۔
462ارب مبینہ کرپشن کیس میں ڈاکٹرعاصم کے وکلا نے کمپیوٹرکی تیارشدہ دستاویزات ماننےسےانکارکردیا ،کراچی کی احتساب عدالت نے ڈاکٹر عاصم کے وکلاکی درخواست پرفیصلہ محفوظ کرلیا۔کراچی احتساب عدالت میں ڈاکٹر عاصم کے خلاف 462 ارب روپے مبینہ کرپشن ریفرنس کی سماعت ہوئی،سماعت میں ڈاکٹرعاصم اور اطہر حسین عدالت میں پیش ہوئے، جبکہ عدالت نے ملزم اعجاز چوہدری کی استثناء کی درخواست منظورکرلی۔دوران سماعت نیب کی جانب سے تفتیشی افسر نے ڈاکٹر عاصم کی سرجری سے متعلق رپورٹ عدالت میں جمع کرادی۔عدالت نے رپورٹ پر میڈیکل بورڈ سے رائے طلب کرلی،جبکہ ڈاکٹر عاصم کے وکیل کی درخواست پرڈاکٹرعاصم کو6ہفتوں کےلیے ہائیڈروتھراپی کی اجازت دیتے ہوئے سماعت28جنوری تک ملتوی کرتے ہوئے کیس کے دیگر گواہوں کو طلب کرلیا۔سماعت کے بعد عدالت سے واپسی پر عدالت کے باہر موجود پیپلزپارٹی لائرز فورم کے عہدیداران نے ڈاکٹر عاصم پر پھولوں کی پتیاں نچھاورکیں اوررہائی کےلیے نعرے لگائے۔
