فرانس (اشفاق چودھری) اللہ تعالیٰ سال نو کو عالم اسلام کی وحدت و یگانگت کیساتھ دنیا بھر کیلئے امن و عافیت اور ترقی و خوشحالی کا سال بنادے۔
پاکستان تحریک انصاف فرانس کے رہنما شیخ نعمت اللہ نے سال نو کی مبارکباد دیتے ہوئے کہا کہ پاکستان تحریک انصاف سے وابستہ ہر فرد کی دعا ہے کہ دنیا میں نئے سال کا سورج دہشتگردی ‘ قتل و غارت ‘ تعصب و لسانیت ‘ تفرقہ و مسلک پرستی ‘ جرائم و کرپشن ‘ بربادی و تباہی اور مسائل و مصائب کی موت اوراتحاد و یگانگت ‘ امن و عافیت ‘ ترقی و خوشحالی اور احترام انسانیت کی روشنی لیکر طلوع ہو۔
جبکہ نیا سال پاکستان میں جمہوریت کے استحکام و کامیابی کا سال ثابت ہو اور نئے سال میں حکمران طبقات آمریت کو دعوت دینے کی پالیسیوں سے اجتناب اورکرپشن و مفاد پرستی کی روایت شکنی کرتے ہوئے دیانتداری ووفاداری کے ساتھ پاکستان و عوام کی خدمت کی نئی مثال و روایت قائم کرنے میںاور افواج پاکستان دہشتگردی کو جڑ سے اکھاڑ کر پاکستان کو امن و اخوت کا گہوارہ بنانے میں کامیاب ہو جائے۔
