ممبئی…….ایشوریا رائے بچن نے ماضی کی نامور بالی وڈ اداکارہ ریکھا کو ایک ایوارڈ وصول کرتے ہوئے ماں کہہ کر پکارا اور کہا کہ ان سے ایوارڈ لینا ایک اعزاز کی بات ہے۔
امیتابھ بچن کی شادی تو جیا سے ہوئی مگر یہ ریکھا تھیں جن سے ان کے رومانس کے چرچے فلم بینوں میں مقبول ہوئے۔ ریکھا امیتابھ کے بیٹے ابھیشک کی تو ماں نہ کہلا سکیں لیکن امیتابھ کی بہو ایشوریا نے ایک تقریب کے دوران ریکھا کو ماں کہہ دیا۔ بچن خاندان ریکھا امیت افیئر سے لاکھ نظریں چرائے کسی نہ کسی بہانے اس تعلق کی یادیں سامنے آ ہی جاتی ہیں۔کبھی ریکھا اور جیا کا آمنا سامنا بھارتی پارلیمنٹ میں ہوتا ہے اورکبھی کسی تقریب میں۔ رہے امیتابھ تو انھوں نے بھی ریکھا کے حوالے سے کبھی کوئی تبصرہ نہیں کیا۔تقریب میں ایشوریہ کی پرانی یادوں کو تازہ کرنے کا سامان یعنی سلمان خان بھی موجود تھے۔ گویا بڑی جذباتی صورت حال تھی۔ ایشوریا نے جب ریکھا سے ایوارڈ وصول کرتے ہوئے انہیں ماں کہہ کر پکارا ۔ تو کیمرہ امیتابھ یا انکے سسر کی طرف مڑ گیا جنھیں وہ پا کہہ کر پکارتی ہیں،حالانکہ ایشوریا کا انداز نہایت پیشہ ورانہ تھا لیکن اس اتفاق کو سب ہی نے محسوس کیا۔
