کے کامیاب تجربے کا دعویٰ کیا ہے۔ بھارتی میڈیا کے مطابق اڈیسہ کے ساحل پر جوہری صلاحیت کے حامل “پرتھوی 2” کا نائٹ ٹرائل کیا ہے۔بھارت کے دفاعی ذرائع نے دعویٰ کیا ہے کہ اس میزائل کی اسٹرائیک رینج 350 کلومیٹر ہے۔یہ تجربہ منگل کے روز صبح 7.48 بجے کیا گیا تھا۔پرتھوی ٹو 500 سے 1000 کلوگرام وار ہیڈز لے جانے کی صلاحیت رکھتا ہے۔اسے 2003 میں ہندوستانی دفاعی دستوں میں شامل کیا گیا تھا۔خیال رہے کہ اس سے قبل رواں سال اکتوبر میں بھی بھارت کی جانب سے براہموس سوپر سانک میزائل کا تجربہ کیا گیا تھا۔ بھارتی میڈیا کا دعویٰ تھا کہ براہموس سوپر سانک میزائل تجربہ کامیاب رہا۔ بتایا گیا تھا کہ میزائل کا تجربہ بھارتی ریا اڑیسہ میں کیا گیا۔ بھارت نے کچھ عرصہ قبل بھی براہموس سپر سانک میزائل کا تجربہ کیا تھا۔ یہ تجربہ بھارتی ریاست راجھستان میں کیا گیا تھا۔بھارت کا دعویٰ ہے کہ براہموس سپر سانک میزائل ر زمین سے زمین پر مار کر سکتا ہے۔ جبکہ اسے سمندر سے آبدوز کے ذریعے بھی داغا جاسکتا ہے۔ واضح رہے کہ بھارت اپنی میزائیل ٹیکنالوجی میں مسلسل اضافہ کر رہا ہے اورگزشتہ کچھ عرصے سے بھارت کی جانب سے میزائل تجربات میں تیزی آئی ہے جس کی وجہ سے خطے میں ہتھیاروں کی دوڑ میں مزید تیزی آسکتی ہے۔ یہاں یہ بھی واضح رہے کہ بھارت کی تمام تر کوششوں کے باوجود اس وقت پاکستان کا میزائل نظام بھارت کے میزائلوں سے کہیں زیادہ بہتر تصور کیا جاتا ہے۔