counter easy hit

سپیکر افعان ویلوسی جرگہ کی سربراہی میں افغان پارلیمانی وفد آج پاکستان کے چھ روزہ دورے پر اسلام آباد پہنچ گیا

اسلام آباد(ایس ایم حسنین)افعانستان کے ایوان نمائںدگان ویلوسی جرگہ کے سپیکر میر رحمان رحمانی کی سربراہی میں 17 رکنی وفد 6 روزہ سرکاری دورے پر اسلام آباد پہنچ گیا ۔سپیکر قومی اسمبلی اسد قیصر نے اسلام آباد انٹرنیشنل ائرپورٹ پر ممبر قومی اسمبلی ڈاکٹر حیدر علی خان اور اعلیٰ افسران کے ہمراہ وفد کا استقبال کیا ۔اسلام آباد میں قیام کے دوران افغان وفد سپیکر قومی اسمبلی اسد قیصر سے ملاقات کے علاوہ صدر اسلامی جمہوریہ پاکستان ڈاکٹر عارف علوی ، وزیر اعظم پاکستان عمران خان ، چیئرمین سینیٹ صادق سنجرانی ، وزیر خارجہ پاکستان شاہ محمود قریشی کے علاوہ قومی اسمبلی میں پاکستان افغانستان دوستی گروپ کے ممبران اور دیگر اعلیٰ سرکاری عہدیداران سے بھی ملاقاتیں کرے گا۔اعلی سطحی افغان وفد کا یہ دورہ پاکستان پارلیمانی فرینڈ شپ گروپ کی ایگزیکٹو کمیٹی کی سرگرمیوں کا نتیجہ ہے جو دونوں ممالک کے مابین دوطرفہ تعلقات کو مزید مستحکم بنانے، ویزا پالیسی میں نرمی اور افعان ٹرانزٹ ٹریڈ اور دوطرفہ تجارت میں رکاوٹوں کو ختم کرانے کے لئے اسپیکر قومی اسمبلی اسد قیصر کی سربراہی میں کام کر رہی ہے۔افغان پارلیمانی وفد کی سربراہی اسپیکر میر نے کی۔ رحمان رحمانی کے علاوہ احمد صافی، چیئرمین قائمہ کمیٹی برائے خزانہ، جناب نجیب اللہ، چیئرمین قائمہ کمیٹی برائے صحت حیدر افضالی، چیئرمین قائمہ کمیٹی برائے دفاع ، مسٹر عتیق رلرحمٰن بین الاقوامی تعلقات سے متعلق قائمہ کمیٹی کے سربراہ کے علاوہ عبد الحمیدشریف چیئرمین قائمہ کمیٹی برائے قومی معیشت ممبران وولوسی جرگہ حاجی رحمانی ، محترمہ ملا ئی اسحاق زئی ، محترمہ شیرین اور دیگر سینئر افسران بھی وفد میں شامل ہونگے. سپیکر قومی اسمبلی اسد قیصر نے کہا کہ افغان پارلیمانی وفد کا یہ دورہ بڑی اہمیت کا حامل ہے ۔ انہوں نے اس اعتماد کا اظہار کہا کہ افغان پارلیمانی وفدکا یہ دورہ خطے میں امن و استحکام لانے میں ایک اہم کردار ادا کرے گااور دونوں برادر ممالک کے مابین سیاسی، پارلیمانی تعاون اورہم آہنگی میں معاون ثابت ہو گا. ان ملاقاتوں میں دونوں ممالک پارلیمانی رابطوں میں اضافے، تجارت سے متعلق دوطرفہ تعلقات اور علاقائی سلامتی کے امور پر تبادلہ خیال کیا جائے گا۔وفد پاکستان افغانستان تجارت اور سرمایہ کاری فورم 2020 کے موضوع پر ہونے والے دو روزہ سیمینار جس کا آغاز 26 اکتوبر سے اسلام آباد میں ہوگا میں بھی شرکت کرے گا۔

Speaker Asad Qaiser receiveing Afghan parliamentary delegation led by Speaker of Afghanistan’s-2

Speaker Asad Qaiser receiveing Afghan parliamentary delegation led by Speaker of Afghanistan’s

An Afghan parliamentary delegation led by Speaker of Afghanistan’s lower house of parliament Mir Rahman Rahmani arrived in Islamabad on Friday

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website