Afghan leadership

افغان قیادت نے طورخم کے مسئلہ کو سفارت کاری کے ذریعے حل کرنے پر اتفاق کیا ہے۔ افغان سلامتی کونسل کے اجلاس میں اس بات کا اعتراف کیا گیا کہ طور خم کا سرحدی تنازعہ جنگ کے ذریعے حل نہیں ہو سکتا۔
کابل: (یس اُردو) افغانستان کے دارالحکومت کابل میں صدر ڈاکٹر اشرف غنی کی زیرصدارت قومی سلامتی کونسل کا ایک ہنگامی اجلاس ہوا جس میں طورخم سرحد کے مسئلہ کو سفارت کاری کے ذریعے حل کرنے پر اتفاق کیا گیا ہے۔ اجلاس میں کہا گیا ہے کہ اس مسئلہ کا حل سفارتی ذرائع سے ہی نکالا جا سکتا ہے۔ دوسری جانب سرحد پر کشیدگی بدستور موجود ہے اور منگل کو شام گئے تک وقفے وقفے سے بھاری اسلحے سے آر پار فائرنگ کا سلسلہ جاری رہا۔