بالی ووڈ اداکار ارجن کپور اپنی آنے والی فلم کی اینڈ کا کی تشہیر کے لیے کئی دلچسپ انداز اپنا رہے ہیں اور حال ہی میں اداکار نے فلم کے ایک گانے کے لیے سرخ رنگ کی ہیل والی چپل تک پہن لی
لاہور(یس اُردو)بالی ووڈ اداکار ارجن کپور اپنی آنے والی فلم کی اینڈ کا کی تشہیر کے لیے کئی دلچسپ انداز اپنا رہے ہیں اور حال ہی میں اداکار نے فلم کے ایک گانے کے لیے سرخ رنگ کی ہیل والی چپل تک پہن لی۔انہوں نے حال ہی میں اپنے انسٹاگرام اکاؤنٹ پر ایک تصویر شیئر کی جس میں اداکار ہیل والی چپل پہنے ہوئے ہیں ،ارجن کا اس تصویر پر کہنا تھا کہ لڑکے بھی اونچی ہیلز پہن سکتے ہیں۔ واضح رہے کہ اس سے قبل اپنی فلم کے ٹریلر کی رونمائی کی تقریب کے دوران ارجن کا کہنا تھا کہ وہ ایک ساتھ دینے والے شوہر ثابت ہوں گے اور اپنی بیوی کے لیے ناشتہ بھی بنائیں گے ۔ارجن کپور کی آنے والی فلم ‘کی اینڈ کا’ میں ان کے ہمراہ کرینہ کپور اہم کردار ادا کر رہی ہیں۔اس فلم میں ارجن کپور ایک گھریلو شوہر کے کردار میں نظر آئیں گے جبکہ کرینہ کیریئر میں کامیاب بیوی کا کردار ادا کر رہی ہیں۔اداکار کا اپنی فلم کے حوالے سے کہنا تھا کہ مرد حضرات کو یہ فلم ضرور دیکھنی چاہیے ۔دلچسپ بات یہ ہے کہ اس فلم کے لیے ارجن کپور کو باورچی خانے میں بھی مہارت حاصل کرنا پڑی ہے ۔آر بالکی کی ہدایت میں بننے والی اس فلم میں اداکار امیتابھ بچن اور جیا بچن بھی مختصر کردار میں نظر آئیں گے ۔فلم 145کی اینڈ کا146 رواں سال یکم اپریل کو سینما گھروں میں نمائش کے لیے پیش کی جائے گی۔
