پشاور(ویب ڈیسک) قومی اسمبلی میں خیبر پختونخوا سمبلی کے 4ملازمین کو ڈیپوٹیشن پر تعینات کر لیا گیا۔ تعینات کئے جانے والوں میں سپیکر قومی اسمبلی کے برادرنسبتی اسسٹنٹ ڈائریکٹر آئی ٹی طاہرقدیم بھی شامل ہے جبکہ دیگر ملازمین میں سب کا تعلق سپیکر کے آبائی علاقے صوابی سے ہے ۔ ذرائع کے مطابق اسسٹنٹ ڈائریکٹر آئی ٹی طاہر قدیم، اکائونٹ افیسرعارف محمود، کمپیوٹر آپریٹر ارشاد علی تین سال تک قومی اسمبلی میں تعینات رہیں گے ، جبکہ ان کے ساتھ سپیکر کے ایک ڈرائیور کو بھی قومی اسمبلی تعینات کیا گیا ہے ۔ذرائع کا یہ بھی کہنا ہے کہ ان تمام ملازمین کو اسد قیصر نے اپنے دور میں خیبر پختونخوا اسمبلی میں تعینات کیا تھا اور اب انہیں خیبر پختونخوا اسمبلی سے اسلام آباد بلایا گیا ہے ۔
اسپیکر قومی اسمبلی اسد قیصر کا بڑا اقدام : اپنے قریبی ساتھیوں کو کن عہدوں پر تعینات کر دیا؟
